Presidenti i Shteteve të Bashkuara të Amerikës, Joe Biden, ka reaguar ndaj vendimit të Gjykatës Penale Ndërkombëtare për lëshimin e një urdhër-arresti për kryeministrin izraelit, Benjamin Netanyahu, të cilin e ka vlerësuar si të egër dhe të turpshëm.
Duke komentuar vendimin e Gjykatës, lideri amerikan tha se nuk mund të barazohen kryeministri izraelit dhe Hamasi.
“Më lejoni të jem i qartë edhe një herë: çfarëdo që të nënkuptojë Gjykata Ndërkombëtare e Drejtësisë, nuk ka asnjë ekuivalencë, asnjë, midis Izraelit dhe Hamasit. Ne do të qëndrojmë gjithmonë me Izraelin kundër kërcënimeve ndaj sigurisë së tij”, tha ai, shkruan euronews.
Kujtojmë se Gjykata Penale e Drejtësisë mori vendim të enjten për të lëshuar një urdhër arresti për Netanyahun dhe ish-ministrin e Mbrojtjes të këtij vendi, Yoav Gallant.
Theksojmë se Gjykata ka lëshuar urdhër-arrest edhe për një zyrtar të Hamasit, Mohammed Diab Ibrahim al Masri.
Ndryshe, Netanyahu dhe liderë të tjerë izraelitë e kanë dënuar urdhrin e kryeprokurorit Karim Khan, duke iu referuar si i turpshëm dhe antisemitik.
Të tjera
Aktuale
Abdixhiku thumbon Kurtin: Çdo qytetar i Kosovës, po të kishte 48 deputetë, do ta siguronte shumicën
Kryetari i Lidhjes Demokratike të Kosovës
Aktuale
Debati i ashpër Syla-Buzhala për opozitën: Pe shani LDK’në e PDK’në, Fatmirin kurrë
Sonte në Pressing diskutohet për përpjekjet
Aktuale
A krijohet qeveria sipas Buzhalës?
Analisti Berat Buzhala vlerëson se opozita