Presidenti i SHBA-së, Joe Biden, tha se vrasja e liderit të grupit islamik palestinez të Hamasit, Ismail Haniyeh, nuk është në dobi të arritjes së një armëpushimi në luftën e Izraelit në Gazë.
Bëhet e ditur se ka pasur një rrezik në rritje të një përshkallëzimi në një luftë më të gjerë në Lindjen e Mesme pasi vrasja e Haniyeh në Iran tërhoqi kërcënime për hakmarrje kundër Izraelit.
Vdekja e Haniyeh u konfirmua edhe nga vetë Hamasi dhe Garda Revolucionare e Iranit e cila kishte marrë pjesë në bisedimet indirekte të ndërmjetësuara ndërkombëtarisht për arritjen e një armëpushimi.
“Kjo nuk ndihmon”, tha Biden kur u pyet nëse vrasja e Haniyeh shkatërroi shanset për një marrëveshje armëpushimi.
Biden tha gjithashtu se kishte zhvilluar një bisedë të drejtpërdrejtë me kryeministrin izraelit, Benjamin Netanyahu.
Edhe pse qeveria e Netanyahut nuk ka marrë asnjë përgjegjësi, ai deklaroi se Izraeli i ka dhënë një goditje dërrmuese përfaqësuesve të Iranit kohët e fundit, duke përfshirë Hamasin dhe Hezbollahun me bazë në Liban, si dhe do t’i përgjigjet me forcë çdo sulmi.
Ndryshe, tensionet e Izraelit me Iranin dhe Hezbollahun kanë ngjallur frikën e një konflikti të zgjeruar në një rajon tashmë në mes të sulmit i cili ka vrarë dhjetëra mijëra dhe ka shkaktuar një krizë humanitare.
Të tjera
Lajme
Me nderime policore varroset polici Mehdi Ibrahimi nga Mitrovica
Me nderime të larta nga institucionet,
Aktuale
Dogana gjen 1 milion euro të fshehura në rezervuarin e veturës në Merdare
Dogana e Kosovës ka sekuestruar rreth
Aktuale
Takimi me Sorensen, Kurti: Kosova e përkushtuar për normalizim të marrëdhënieve me Serbinë
Albin Kurti, kryeministër i vendit, ka