Aktuale

BE e shqetësuar me ngërçin, heqja e masave e lidhur me tranzicionin e pushtetit në veri

Posted on by Botapress.info

Në takimin që do të mbahet në dhjetor, ministrat evropianë të BE-së do të rikonfirmojnë se heqja e mëtejshme e masave ndaj Kosovës do të ndodhë pas tranzicionit të rregullt të qeverisjes lokale në veri të vendit dhe pas një procesi të vazhdueshëm të deeskalimit. Kjo qëndron në draftin e konkluzave që pritet të miratohen në fund të takimit.

Një kapitull i veçantë i këtyre konkluzave i kushtohet procesit zgjedhor në vend. Ndërsa mirëpritet mbarëvajtja e zgjedhjeve të shkurtit dhe atyre lokale të vjeshtës.

Këshilli i Ministrave përmes konkluzave vëren me shqetësim ngërçin e zgjatur politik pas zgjedhjeve parlamentare dhe pret një proces zgjedhor të administruar mirë dhe gjithëpërfshirës në prag të zgjedhjeve të parakohshme të caktuara për 28 dhjetor.

Sa i përket procesit të normalizimit të marrëdhënieve mes Kosovës dhe Serbisë, Këshilli i Ministrave do të rikujtojë se si Kosova, ashtu edhe Serbia, e kanë progresin në rrugëtimin evropian të kushtëzuar me përpjekjet për zbatimin e plotë të të gjitha angazhimeve që rrjedhin nga Marrëveshja e vitit 2023.

Të dyja palët rrezikojnë të humbasin mundësi të rëndësishme në mungesë të përparimit në normalizimin e marrëdhënieve të tyre. Këshilli pranon se kontekstet politike të brendshme, si në Kosovë ashtu edhe në Serbi, kanë paraqitur sfida për përparimin dhe shpreh keqardhje që zbatimi i disa marrëveshjeve të Dialogut mbetet i paplotë nga të dyja palët”, thuhet në draft.

Konfirmohet gatishmëria e shefes së diplomacisë evropiane, Kaja Kallas, për të organizuar një raund të ri të dialogut në nivelin më të lartë politik sapo të krijohen kushtet e favorshme, ndërsa palët ftohen të shfrytëzojnë mundësinë për të arritur rezultate konkrete.

Nga të dyja vendet pritet zbatimi i të gjitha marrëveshjeve, ndërsa Kosovës i bëhet thirrje të implementojë obligimin që lidhet me formimin e Asociacionit të komunave me shumicë serbe.

Kosova dhe Serbia pritet të përmbahen nga veprimet provokuese, të shmangin retorikën përçarëse dhe të gjejnë zgjidhje të qëndrueshme dhe të koordinuara që garantojnë siguri, mbrojtje dhe demokraci pjesëmarrëse për të gjithë qytetarët. /RTK

Të tjera

Aktuale

Kosova ende s’e ka njoftuar formalisht KE’në, një pjesë e financimit në rrezik

Kosova ende nuk e ka njoftuar

Aktuale

IPK rekomandon suspendimin e tetë policëve, gjashtë nga Gjakova e dy nga Gjilani

Inspektorati Policor i Kosovës, ka njoftuar

Aktuale

Kirurgët nuk i kursyen grushtet e shkelmat ndaj njëri-tjetrit, kamerat në QKUK kanë filmuar gjithçka

Dy kirurgë të Klinikës së Kirurgjisë