Barcelona është lidhur me një numër mesfushorësh gjatë muajve të fundit, teksa po synojnë ta përforcojnë atë pozicion, por buxheti që do ta kenë për ta bërë këtë është ende i pasigurt.
Lojtari i fundit që po përmendet si kandidat i mundshëm për t’u transferuar tek Barcelona ka një vlerë kartoni prej 20 milionë eurosh.
Blaugranasit duket se e kanë bërë sulmin prioritet të tyre kryesor dhe kjo dëshmohet me interesimin e madh që ata po shfaqin për transferimin e Nico Williams.
Nëse ajo marrëveshje përfundon ose jo, Barcelona do të kthejë vëmendjen e tyre në mesfushë, aty ku duan një mesfushor që është fizikisht në nivel të lartë.
Gazeta katalanase Sport raporton se mesfushori i Zenit Petersburgut, Wendel, është njëri nga opsionet në listën e shkurtë të Barcelonës.
Bordi i klubit katalan thotë se ai i ngjan shumë profilit të Guido Rodriguez me të cilin ata më herët kishin një marrëveshje, por që në fund u tërhoqën nga transferimi i tij.
Galatasaray është gjithashtu mjaft i interesuar për shërbimet e Wendel, por ata nuk janë të gatshëm të plotësojnë kërkesat e Zenitit.
26-vjeçari u transferua tek Zeniti për të njëjtën shumë në vitin 2000 dhe ka 26 gola dhe 25 asistime në 124 ndeshje për klubin rus.
Padyshim që Barcelona do të zgjerojë kriterin e saj për të gjetur profilin e lojtarit ideal, por që transferimi i tij duke ditur se do të jetë vetëm zgjedhje nga banka do të ishte një shpenzim i kotë.
Të tjera
Aktuale
Cakolli shfaq një grafikë të ulëseve të fituara nga partitë me rezultatin aktual
Eugen Cakolli nga KDI ka treguar
Lajme
Deda pas zgjedhjeve: Balancohet skena politike, espresso 70% është veç për qytetarët
Ilir Deda, ka reaguar lidhur me
Lajme
Blushi: Kurti kishte Qeverinë donte edhe Presidentin, i humbi të dyja
Shkrimtari Ben Blushi, ka reaguar pasi