Azemi: Çdo herë kur fiton LDK, dikush përpiqet ta zvogëlojë suksesin

Visar Azemi nga Lidhja Demokratike e Kosovës deklaron se “kur LDK fiton të tjerët mundohen ta zvogëlojnë suksesin e partisë”.

Derisa shprehet se:

“Në fillim të këtij viti, kur shtuam 70 mijë vota në zgjedhjet nacionale, disave nuk u mjaftoi kjo rritje. Na thanë s’ka rëndësi rritja, jeni partia e tretë.

Tash jemi në vendin e parë. Fituam në 7 komuna, më shumë se secila parti, sepse qeverisim sërish me kryeqytetin. Por përsëri nuk binden dhe nuk e pranojnë fitoren tonë”, thotë Visar Azemi.

Megjithatë thotë se “nuk e kemi ndërmend të merremi me ata që se pranojnë të vërtetën e as rritjen tonë”.

Tutje Azemi shkruan në profilin e tij në Facebook:

Ne falenderojmë mbështetësit tanë që janë rreshtuar kah e vërteta dhe mundësuan rritjen tonë edhe në shkurt por edhe tash në këto zgjedhje.

LDK po rritet. Kemi fituar me punë e ndershmëri në 7 komuna. Në disa madje pa blotazh. Fushata jonë ka qenë e paster e pa përçarje, në secilën komunë ku ishim në garë.

Këtë fushatë të ndershme edhe qytetarët e vlerësuan fort, duke renditur partinë tonë të parët në Kosovë me numrin e komunave të fituara.

Kështu të bashkuar, të ndershëm e me përkushtim, do të triumfojmë edhe në garat tjera në këtë mjedis aspak të barabartë.