Ish-kryeministri i Kosovës e deputeti i LDK-së Avdullah Hoti, po i qëndron besnik Isa Mustafës. Hoti, i cili është ngritur në karrierë politike në LDK dhe në poste institucionale, fillimisht si nënkryetar i Prishtinës e më pas si Ministër i FInancave e Kryeministër në kohën e Isa Mustafës, duket ka mbetur ndër të rrallët zyrtarë të LDK-së që edhe më tutje gëzon simpati për ish-kryetarin e LDK-së Isa Mustafën e dorëhequr pas humbjes së thellë të LDK-së në zgjedhjet e 14 shkurtit të vitit 2021.
Në një postim të tij në Facebook, Avdullah Hoti ia dedikon Isa Mustafës, atëbohtë kryeministër i Kosovës, meritat për nënshkrimin e Marrëveshjes së Stabilizim Asocimit me BE-në.
Për më shumë ja postimi i Hotit në Facebook:
Para shtatë vitesh, Kosova nëshkroi Marrëveshjen e Stabilizim Asocimit, me të cilën nisi formalisht rrugëtimin për integrim evropian. Nga atëherë Kosova ka marrë qindra miliona euro nga BE-ja si pjesë e programeve IPA.
Kjo është marrëveshja e parë kontraktuale e Kosovës me BE-në.
