As seanca e 50-të nuk solli konstituimin e Kuvendit të Kosovës

As kjo e hënë nuk solli ndryshim në skenën politike të Kosovës. Edhe seanca e 50-të konstituive e Kuvendit ka përfunduar pa ndonjë rezultat, duke e thelluar më tej krizën institucionale që po zvarritet prej javësh.

Me gjithë pritjet minimale për ndonjë zhvillim të ri, dështimi ishte i paralajmëruar që nga momenti i caktimit të seancës.

Komisioni i propozuar nga LVV-ja për votim të fshehtë i mori vetëm 53 vota.

Deputetët e ish-opozitës nuk lëvizën nga qëndrimet e tyre sa i përket zgjedhjes së kryetarit të Kuvendit, duke bllokuar edhe këtë tentim për konstituim.

Që nga dita e zgjedhjeve, janë mbajtur plot 50 seanca, por asnjëra prej tyre nuk ka prodhuar një institucion funksional, ndërsa vendi vazhdon të mbetet pa kryeparlamentar dhe me një Kuvend të paralizuar.