Anija ruse me një ngarkesë misterioze fundoset në Mesdhe, pas një ‘shpërthimi’ në bord

Një anije ruse e sanksionuar me një ngarkesë misterioze është fundosur në Mesdhe pas një ‘shpërthimi’ në bord.

Katërmbëdhjetë anëtarë të ekuipazhit u raportuan se u shpëtuan, ndërsa dy thuhet se janë ende të zhdukur, shkruajnë mediat e huaja.

Inteligjenca ushtarake ukrainase dhe burime spanjolle theksuan se Ursa Major po shkonte në Siri për të transportuar pajisje ushtarake ruse që po tërhiqen nga vendi pas rënies së diktatorit Bashar al-Assad.

Në anën tjetër, burimet ruse pohojnë se ajo po shkonte për në Vladivostok, duke mbajtur vinça të mëdhenj me peshë 380 tonë secili, të destinuara për ndërtimin e një akullthyese moderne.

Anija Ursa Major u mbyt në ujërat ndërkombëtare midis Spanjës dhe Algjerisë të hënën, pak pas mesditës.