Andixhiku i thotë JO Kurtit: LDK ka lidhë besë me votuesit e saj: Jo me Vetëvendosjen!

LDK nuk ia pranon thirrjen për takim “për Qeveri të re” Albin Kurtit.

Kështu edhe zyrtarisht u përfundimisht u deklarua Kryetari i LDK-së, Lumir Abdixhiku, pas takimit të fundit të nivelit të lartë të partisë, ku objekt shqyrtimi ishte edhe ftesa e djeshme e Kurtit.

Çka veçse dihej – i.e refuzimi – tashmë u nxor edhe edhe si qëndrim/vendim të kryesisë së ngushtë.

Kjo në dritën kur Vetëvendosja e pranoi përfundimisht se nuk ka numra e vetme për të ndërtuar qeveri: dhe shpëtimin numerik e kërkuan në derë të Lumir Abdixhikut.

Glauk Konjufca prodhoi një mijë e një arsyetime përzbutëse: për çka tha se si parti “nuk i kanë numrat” dhe se qëndrimet kategorike se nuk hynë në koalicion me partitë ish-opozitare “janë modifikuar gjatë rrugës”.

“Mes ‘hajvanatit’, ‘mbytjes së LDK-së’, ‘bashkëpunëtorëve të Serbisë’, mes moçalit të madh të pështymave ndaj nesh – unë, LDK dhe votuesit tanë – nuk e gjejmë veten as për konsultim.

Sepse fjalët, si edhe bindjet, kanë peshë.

Fjalët e thëna ndaj nesh kanë peshë. Dhe fjalët tona – ato që u kemi dhënë qytetarëve tanë, atyre që nuk joshen nga spektakli i përçarjes por që besojnë se shteti ndërtohet me respekt e dinjitet – kanë peshën e fjalës së dhënë. Peshën e besës”, shkroi Abdixhiku.

Abdixhiku për letrën e pranuar nga Albin Kurti – rikujtoi veprimet, sjelljen dhe gjuhën e Vetëvendosjes ndaj LDK-së, dhe një takim të tillë, në këtë dritë, Abdixhiku tha se “do të ishtekapërcim fatal i dinjitetit njerëzor dhe politik”.

“Duket se fjalët e thëna e bindjet e ushqyera në vijimësi, nuk kanë peshë njëjtë për të gjithë. Sepse, pavarësisht të gjithë gjërave të thëna, të bëra e stërbëra, dje kam pranuar një letër nga Kryetari i Lëvizjes Vetëvendosje, z. Kurti, për takim konsultativ mes nesh.

Sado që unë dhe LDK nuk udhëhiqemi nga inati; sado që ne besojmë në dialog, bashkëpunim e komunikim njerëzor e politik; një takim i tillë – madje edhe konsultativ – do të ishte kapërcim fatal i dinjitetit njerëzor dhe politik”, tha ai.

“Jo”-ja ndaj Vetëvendosjes u artikulua sot edhe nga Nënkryetarja, Doarsa Kica-Xhelili

• “Hendek të madh me Vetëvendosjen…të shndërruar në mur…qëndrimet e LDK-së të njëjta”.

Përmbledhtazi kjo ishte çka LDK-ja iu përgjigj Vetëvendosjes, pas ftesës së djeshme në adresë të Lumir Abdixhikut nga Albin Kurtit.

Doarsa Kica-Xhelili ia ktheu mbrapsht Konjufcës ‘ofertën’ e sotme ndaj LDK-së.

U pranua përfundisht, me zë dhe figurë, që Vetëvendosja e ka objektivisht të pamundur të bëjë qeverinë e vetme – Glauk Konjufca, e shpalli të kryer këtë prospekt edhe një javë që nga kur duhet të themelohet Kuvendi i Kosovës.

Vetëvendosjes do t’i duhet koalicion më i madh: rrjedhimisht adresa ishte LDK-ja “e privilegjuar”, tha ai, për Vetëvendosjen.

“Zgjohesh një ditë në mëngjes…rezultatet…qëndrimet i modifikon rrugës”, arsyetoi Glauk Konjufca se pse LDK-ja ishte ajo që u ftua.

Dhe atë, një LDK që Vetëvendosja s’ka lënë institucion pa shterrur për t’ia sfiduar rezultatin zgjedhor, përkatësisht votat me postë të diasporës.

Akuzat për “vjedhje”, “krim zgjedhor”, “manipulim votash”, Vetëvendosja i ka dhënë thuajse për fakt të kryer për çka LDK-ja duhet të jep “përgjegjësi penale dhe politike”.

Por, mënjanë kësaj, megjithatë edhe koalicionim me ta.

“Qeveria është e pamundshme pa e themelu një koalicion, që krijon mazhorancën e aftë me 61 vota, për ta themeluar qeverinë e ri”, tha Glauk Konjufca.

“(Vetëvendosja) ka pas një qëllim dhe nuk e ka mbërritur atë. E pastaj e modifikon rrugës. S’është mëkat kjo në demokraci. E vendos një qëllim – nuk e kemi arritur. S’i kemi arritur qëllimet dhe tash jemi në skenarin B. Është rasti më normal i mundshëm”, justifikoi më tej ai.

Kjo, sipas Konjufcës, ishte konkluzion i “zgjimit në mëngjes” dhe të parit se s’ka numra.

Megjithatë, ende pa zbardhur ai mëngjes, mbrëmjen e zgjedhjeve kur rezultatet diheshit, Albin Kurti kryetar i Vetëvendosjes, i shpalli opozitën kolektivisht “hajvanë”.

Kica-Xhelili e LDK-së, pas njëzet minutash, i shqiptoi “Jo”-në Konjufcës.

“Në qoftë se një parti politike e ka shfaqur sheshit një hendek shumë të madh me VV-në, hendek i cili u shndërrua më pas në mur të palëvizshëm pas zgjedhjeve jo vetëm për shkak të diskursit të kryeministrit të vendit, por në përgjithësi për shkak të mënyrës se si ka qeverisur në katër vite”, tha Kica-Xhelili.

“Prandaj vlerësoj se megjithëse kemi përsëritur, për mendimin tim mjaftueshëm gjatë, qëndrimin e LDK-së, e kuptoj dhe mirëkuptoj pyetjen tuaj meqë natyrshëm këto ditë po vërejmë shumë lëvizje të qëndrimeve të akterëve të ndryshëm të lidershipit të Qeverisë”, tha ajo.

Si para, si pas zgjedhjeve – siguroi ajo – LDK mbetet ku ka qenë.

Edhe Hykmete Bajrami ia rrëzoi “urtimin” Konjufcës, duke ia rilexuar qëndrimet e Vetëvendosjes ndaj LDK-së por edhe opozitës si tërësi.

“Hipokrizi në maksimum”, shkroi Bajrami.

“Konjufca, i pyetur nga gazetarët për fjalët “hajvanë” dhe “hajvanat”, u justifikua se ishte “gjuhë fushate”. Tha: “Normal, qohesh një mëngjes, e sheh që s’i ke numrat, dhe e ndryshon qasje.”

Por Konjufca ”harroj” që termat “hajvan” dhe “hajvanat” janë përdorur pasi janë shpallur rezultatet preliminare, pra në dritën e numrave, edhepse këta terma janë të papranushëm kurdo që thuhen.

Qasjen, Albin Kurti e ka ndryshuar vetëm kur e kuptoi që nuk i del matematika pa votën e Adem Hoxhës, alias Listës Serbe”, shkroi ajo.

Një mbledhje javore e LDK-së mbahet sot, përkatësisht e Nënkryetarëve, ku mes tjerash pritet të diskutohet dhe të dilet me qëndrim edhe ndaj ftesës së Albin Kurtit të dërguar Abdixhikut.

Nga ç’kanë thënë deri tash, LDK nuk ka dhënë asnjë indikacion se do t’i përgjigen Albin Kurtit.