Albin Kurti nuk e harron Shqipërinë, uron kombëtaren për fitoren ndaj Ukrainës

Kryeministri i Kosovës, Albin Kurti ka reaguar pas fitores me përmbytje të skuadrës kombëtare 2-1 përballë Ukrainës.

Përmes një postimi në Instagram, Kurti ka thënë se Shqipëria luajti si pretendente për liderë te grupit e se pjesëmarrja e saj në Euro 2024 nuk ishte rastësi.

‘’Pjesëmarrja në Euro 2024 nuk ishte rastësi. Shqipëria sonte luajti si pretendente për lidere të grupit. Dy gola të shpejtë dhe fitore me përmbysje të rezultatit, për një fillim të mbarë në Ligën e Kombeve. Urime e suksese!’’, tha Kurti.

Loja e mbrëmë ishte shumë dinamike dhe Shqipëria pati një paraqitje fantastike, Ismajli shënoi golin e barazimit pas një goditje këndi, teksa iu afrua edhe dy herë të tjera rrugës së rrjetës.