Aksion në Ministrinë e Infrastrukturës, ka të arrestuar

Policia e Kosovës në bashkëpunim me Prokurorinë Themelore në Prishtinë po zhvillon një aksion në Ministrinë e Mjedisit, Panifikimit Hapësinor dhe Infrastrukturës (MMPHI).

Aksioni ka nisur mëngjesin e së enjtës, derisa siç raporton “Betimi për Drejtësi” deri më tani janë arrestuar tre zyrtarë të kësaj ministrie.

Mediumi ka tentuar të marrë një përgjigje nga Policia dhe Prokuroria, por deri tani nuk janë përgjigjur.

Ndryshe, gjatë një operacioni policor në Prishtinë, Gjilan dhe Gjakovë, Policia më 29 maj arrestoi 11 të dyshuar për keqpërdorime me patentë shoferë.