Aksident në Gllarevë: Përplasen tri vetura, tetë persona të lënduar

Në fshatin Gllarevë ka ndodhur një aksident trafiku ku janë përfshirë tri vetura dhe kanë mbetur të lënduar tetë persona.

Lajmin për Sinjalin e ka konfirmuar zëdhënësi i Policisë për rajonin e Pejës, Fadil Gashi, i cili ka bërë të ditur se të lënduarit janë dërguar për trajtim mjekësor në Spitalin Rajonal.

Sipas mjekëve kujdestarë, të gjithë të lënduarit janë jashtë rrezikut për jetë, ndërsa shkaqet e aksidentit janë ende duke u hetuar nga autoritetet përkatëse.