Aksident mes tri automjeteve në Prishtinë, lëndohen dy persona

Një aksident trafiku ndërmjet tri automjeteve ka ndodhur pasditen e së dielës në rrugën “Fahri Fazliu” në Prishtinë.

Si pasojë janë lënduar dy persona të cilët janë duke marr trajtim mjekësor.

“Sot rreth orës 17:00 në rrugën ‘Fahri Fazliu’ në Prishtinë, ka ndodhur një aksident trafiku, ku kanë qenë të përfshira tri automjete. Bazuar në të dhënat fillestare si  pasojë e aksidentit lëndime trupore kanë pësuar 2 persona të cilët janë dërguar për tretman mjekësor. Me rastin po merren hetuesit nga njësiti i trafikut”, tha Ahmeti.