Aksident i rëndë trafiku në Austri, dyshohet se ka vdekur një i ri nga Kosova

Një aksident tragjik ka ndodhur sot në Austri, ku një i ri ka humbur jetën si pasojë e përplasjes mes një kamioni dhe një veture.

Ngjarja ka ndodhur në Zwettl an der Rodl, në rajonin Urfahr-Umgebung.

Medait austriake duke cituar policinë lokale, raportojnë se aksidenti ka ndodhur rreth mesditës në rrugën B126, kur dy automjetet janë përplasur në një kthesë të djathtë.

Si pasojë e përplasjes, drejtuesi i veturës, që dyshohet të jetë kosovar ka mbetur i vdekur në vend, pavarësisht përpjekjeve të ekipit mjekësor për ta rikthyer në jetë.