Aksident i rëndë me biçikletë në Prishtinë – Lëndohet rëndë fëmija 9-vjeçar

Një vetaksident trafiku me biçikletë është regjistruar mbrëmjen e së martës në Prishtinë, ku një fëmijë ka pësuar lëndime të rënda trupore.

Burime të Sinjalit bëjnë me dije se ngjarja ka ndodhur mbrëmë, rreth orës 20:25, në rrugën “Zekrija Rexha”, ku E.K., rreth 9-vjeçar duke drejtuar një biçikletë, ka humbur kontrollin dhe ka pësuar vetaksident.

Në vendin e ngjarjes kanë dalë njësia e trafikut dhe hetuesit rajonalë, të cilët kanë konstatuar njolla gjaku, ndërsa biçikleta nuk ndodhej më në vendin e aksidentit. Gjurmët janë fotografuar dhe dokumentuar nga policia.

I mituri është dërguar për trajtim mjekësor, ndërsa gjendja e tij është klasifikuar si me lëndime të rënda trupore.

Hetimet po vazhdojnë nga Njësia e Hetimeve Rajonale të Trafikut për të sqaruar rrethanat e plota të aksidentit.