Kryeministri në detyrë i Malit të Zi, Dritan Abazoviq, u shpreh se Mali i Zi është i gatshëm të ndihmojë në normalizimin e marrëdhënieve mes Kosovës dhe Serbisë, në çfarëdo mënyre, duke përfshirë edhe mbështetjen logjistike.
Ai gjithashtu theksoi se Mali i Zi ‘’luan rolin e pajtuesit’’ në rajon- raporton Vijesti.
BE shpreh keqardhje që Lista Serbe nuk shfrytëzoi të drejtën për pjesëmarrje në zgjedhje
“Ne kemi marrëdhënie të shkëlqyera me të gjitha vendet fqinje dhe jemi të etur të ndihmojmë në çfarëdo mënyre, duke përfshirë mbështetjen logjistike”- tha ai në një intervistë për Pavlovic Today, gjatë vizitës në SHBA.
Abazoviq gjithashtu ofroi që një raund i ri negociatash të mbahet në Mal të Zi.
“Ne nuk jemi pjesë e dialogut, por besoj se propozimi evropian paraqet një zgjidhje të mirë, të favorshme për Serbinë dhe Kosovën” – tha ndër të tjera kryeministri Abazoviq.
