AAK, PDK dhe LDK Gjykatës: Të pezullohet vazhdimi i seancave me rend dite të imponuar nga Dehari

AAK me mbështetjen e LDK’së dhe PDK’së sot i është drejtuar Gjykatës Kushtetuese, me kërkesën për vlerësim të kushtetueshmërisë për çështjen e votimit të fshehtë.

Kryetari i AAK’së, Ramush Haradinaj, në Facebook e ka publikuar të plotë lëndën.

Partitë opozitare kanë kërkuar vendosjen e masës së përkohshme, pra “pezullimin e vazhdimit të seancave konstituive me pikën e imponuar të rendit të ditës për votim të fshehtë deri në vendosjen meritore lidhur me këtë kërkesë”.

Në dokument thuhet se themeli i kërkesës për masë të përkohshme “bazohet në dëmtimin e pariparueshëm të imazhi të Kuvendit të Kosovës në rast të vazhdimit të seancave konstituive me rend të ditës të përcaktuar në mënyrë jokushtetuese dhe dëmtimin e imazhit të Shtetit të Kosovës në vend dhe në botën e jashtme  në rast të vazhdimit të seancave jokushtetuese si më sipër”.