Shumë herë është spekuluar kalimi i Albena Reshitajt nga Aleanca për Ardhmërinë e Kosovës, në Lëvizjen Vetëvendosje.
Kjo për shkak që deputetja Reshitaj, që një kohë të gjatë ka shfaqur hapur afërsinë me partinë e Albin Kurtin dhe largësinë me atë të Ramush Haradinajt.
Madje, në disa momente ajo kishte treguar se nuk merr pjesë që një kohë të gjatë në mbledhjet e AAK-së, pasi që drejtuesit e partisë as që e ftojnë.
Zërat u shtuan edhe për shkak që Reshitaj, kishte qëndruar në seancë në momentin kur u votua Vjosa Osmani për presidente – vendim i cili ishte kundërshtuar ashpër nga AAK.
Ndërsa sot, deputetja Reshitaj, ka publikuar një fotografi me deputeten e Lëvizjes Vetëvendosje, Shqipe Mehmeti – Selimi.
“Me kolegën deputeten Shqipe Mehmeti-Selimi”, ka shkruar Reshitaj.
Shumë komentues me të publikuar fotografinë kanë kërkuar që ajo edhe zyrtarisht të dalë në Lëvizjen Vetëvendosje.
