Një rrahje brenda Pallatit Drejtësisë në Prishtinë ka ndodhur sot.
Rasti është konfirmuar për lajmi.net edhe nga zëdhënësi i Policisë për Rajonin e Prishtinës, Agron Borovci.
Ky i fundit ka thënë se rasti ka ndodhur rreth orës 10:15 në Pallatin e Drejtësisë, dhe ndaj të dyshuarit është iniciuar vepra penale “sulm” dhe “kanosje”.
“Sot nga njësia policore e stacionit Jugu, është arrestuar një i dyshuar për një rast sulmi dhe kanosjeje. Ngjarja ka ndodhur rreth orës 10:15, në Pallatin e Drejtësisë, me ç’ rast i dyshuari kishte sulmuar dhe kanosur viktimën. I dyshuari; G. S, mashkull, 31 vjeç, shtetas i Republikës së Kosovës, pas arrestimit, me aktvendim mbi ndalimin e personit të dyshuar të nxjerrë nga ana e prokurorit të shtetit është dërguar në qendrën e mbajtjes prej 48 orësh. Me qëllim të sqarimin dhe zbardhjes së plotë të motiveve dhe rrethanave të ngjarjes ndaj tij është iniciuar hetim për veprën penale ”Sulm & Kanosje”, ka thënë Borovci.