GUVERNATORI I SHTETIT TË TEKSASIT – GREG ABBOTT
11 Tetor 2021
Z. Joe A. Esparza
Zëvendës Sekretari i Shtetit
Dhoma e Kongresit Shtetëror 1E.8
Austin, Texas 78701
I nderuar Zëvendës Sekretar Esparza:
Në përputhje me pushtetin e tij si Guvernator i Shtetit të Teksasit, Greg Abbott ka lëshuar sa vijon:
Urdhër Ekzekutiv Nr. GA-40 në lidhje me ndalimin e mandateve të vaksinave, që i nënshtrohen veprimeve legjislative.
Urdhri ekzekutiv origjinal i bashkëngjitet kësaj letre të transmetimit.
Paraqitur me respekt,
Gregory S. Davidson
Zyrtar Ekzekutiv në zyrën e Guvernatorit
Dokumenti i bashkëngjitur
—————————————————
URDHËR EKZEKUTIV
NGA
GUVERNATORI I SHTETIT TË TEKSASIT
Departamenti Ekzekutiv
Austin, Texas
11 Tetor 2021
URDHËR EKZEKUTIV
GA 4O
Lidhur me ndalimin e mandateve të vaksinave,
që janë subjekt i veprimeve legjislative.
====================================
Meqenëse, Unë, Greg Abbott, Guvernatori i Teksasit, kam lëshuar një shpallje të fatkeqësisë më 13 Mars 2020, duke vërtetuar sipas Seksionit 418.014 të Kodit të Qeverisë së Teksasit se koronavirusi i ri (COVID-19) paraqet një kërcënim të madh të përmasave të katastrofës për të gjitha qarqet e Teksasit; dhe
Meqenëse, në çdo muaj pasues e deri më sot, unë kam rinovuar deklaratën e fatkeqësisë për COVID-19 për të gjitha qarqet e Teksasit; dhe
Ndërsa, unë kam lëshuar një seri urdhrash ekzekutivë që synojnë mbrojtjen e shëndetit dhe sigurisë së qytetarëve të Teksasit, sigurimin e uniformitetit të masave në të gjithë Teksasin dhe arritjen e mjeteve më pak kufizuese për të luftuar kërcënimin në zhvillim për shëndetin publik; dhe
Ndërsa, vaksinat kundër COVID-19 inkurajohen fuqimisht për ata që iu këshillohet ta marrin një të tillë, por gjithmonë duhet të jenë në bazë vullnetare për qytetarët e teksasit; dhe
Ndërsa, lëshova Urdhrat Ekzekutivë GA-35, GA-38 dhe GA-39 për të ndaluar njësitë / entitetet qeveritare dhe disa të tjera që të imponojnë mandate të vaksinimit kundër COVID-19 ose të kërkojnë pasaporta të vaksinës; dhe
Ndërsa, në një rast tjetër të tejkalimit nga ana federale, Administrata Biden tani po ngacmon shumë subjekte private për vendosjen e mandateve të vaksinës COVID-19, duke shkaktuar ndërprerje të fuqisë punëtore që kërcënojnë shërimin e vazhdueshëm të ekonomisë së Teksasit nga katastrofa e COVID-19; dhe
Ndërsa, teksanë të panumërt kanë frikë të humbin jetesën e tyre sepse ata kundërshtojnë marrjen e një vaksine COVID-19 për arsye të ndërgjegjes personale, bazuar në një besim fetar, ose për arsye mjekësore, përfshirë shërimin paraprak nga COVID-19; dhe
Duke qenë se, përmes Kapitullit 161 të Kodit të Shëndetit dhe Sigurisë në Teksas, si dhe ligjeve të tjera, përfshirë Kapitujt 38 dhe 51 të Kodit të Edukimit në Teksas, legjislatura ka vendosur rolin e saj kryesor mbi imunizimet, dhe të gjitha ligjet dhe rregulloret e imunizimit në Teksas rrjedhin nga ligjet e vendosura nga ligjvënësi; dhe
Ndërsa, ligjvënësi është kujdesur të sigurojë përjashtime që u lejojnë njerëzve të zgjedhin të mos detyrohen të bëjnë një vaksinë për arsye ndërgjegjeje ose arsye mjekësore; dhe
Meqenëse, unë po e shtoj këtë çështje në rendin e ditës për Sesionin e Tretë të Thirrur të legjislativit që është mbledhur aktualisht, në mënyrë që legjislativi të ketë mundësinë ta shqyrtojë këtë çështje përmes legjislacionit; dhe
Meqenëse, unë do ta shfuqizoj këtë urdhër ekzekutiv në datën e hyrjes në fuqi të një legjislacioni të tillë;
Prandaj, Unë, Greg Abbott, Guvernatori i Teksasit, në sajë të pushtetit dhe autoritetit që më është dhënë nga Kushtetuta dhe ligjet e Shtetit të Teksasit, urdhëroj me sa vijon më poshtë, në bazë mbarështetërore dhe me efektivitet të menjëhershëm:
1. Asnjë entitet në Teksas nuk mund të detyrojë marrjen e një vaksine COVID-19 nga ndonjë individ, përfshirë një punonjës ose një konsumator, i cili kundërshton një vaksinim të tillë për çfarëdo arsye të ndërgjegjes personale, bazuar në një besim fetar, ose për arsye mjekësore, përfshirë shërimin paraprak nga COVID-19. Unë i pezulloj të gjitha statutet përkatëse në masën e nevojshme për të zbatuar këtë ndalim.
2. Gjoba maksimale e lejuar sipas Seksionit 418.173 të Kodit të Qeverisë së Teksasit dhe planit të menaxhimit të urgjencës të Shtetit do të zbatohet për çdo “mosrespektim” të këtij urdhri ekzekutiv. Mbyllja në burg nuk është një dënim i disponueshëm për shkeljen e këtij urdhri ekzekutiv.
3. Ky urdhër ekzekutiv do të zëvendësojë çdo urdhër konfliktual të lëshuar nga zyrtarët lokalë në përgjigje të katastrofës së COVID-19. Në bazë të Seksionit 418.016 (a) të Kodit të Qeverisë së Teksasit, unë i pezulloj me këtë Seksionet 418.1015 (b) dhe 418.108 të Kodit të Qeverisë së Teksasit, Kapitulli 81, Nënkapitulli E i Kodit të Shëndetit dhe Sigurisë të Teksasit, dhe çdo statuti tjetër përkatës, për masën e nevojshme për të siguruar që zyrtarët lokalë të mos vendosin kufizime në përgjigje të katastrofës së COVID-19 që nuk janë në përputhje me këtë urdhër ekzekutiv.
Ky urdhër ekzekutiv nuk i zëvendëson Urdhrat Ekzekutivë GA-13, GA-37, GA-38, ose GA-39. Ky urdhër ekzekutiv do të mbetet në zbatim dhe në fuqi të plotë përveç nëse ai ndryshohet, amandamentohet, shfuqizohet ose zëvendësohet nga guvernatori. Ky urdhër ekzekutiv gjithashtu mund të ndryshohet përmes shpalljes së guvernatorit.
Nënshkruar me dorën time
me datë: 11 Tetor 2021
____________________________
GREG ABBOTT
Guvernator
E dëshmuar nga:
JOE A. ESPARZA
Zëvendës Sekretari i Shtetit
———————————-
P.S. Vegëza elektronike e urdhrit ekzekutiv në fjalë: https://gov.texas.gov/uploads/files/press/EO-GA-40_prohibiting_vaccine_mandates_legislative_action_IMAGE_10-11-2021.pdf
