Alarmon Petritsch: Zgjedhjet e njëpasnjëshme ia kanë humbur dramatikisht besimin Kosovës

Ish-diplomati austriak, Wolfgang Petritsch, në një intervistë për Radio Evropa e Lirë ka thënë se mbajtja e zgjedhjeve të njëpasnjëshme ka shkaktuar një humbje të madhe të besimit në Kosovën.

Sipas tij, edhe vendet mosnjohëse të Kosovës, duke parë situatën politike në Kosovë, mund të forcojnë qëndrimin e tyre për të mos e pranuar pavarësinë e Kosovës.

“Çfarë të njohim, qe një vit e gjysmë s’ka qeveri stabile. S’mund të zgjedhin president. Bëhet fjalë për një humbje dramatike të besimit se Kosova po përpiqet dhe të jetë shtet serioz”, ka thënë Petritsch.

Ai ka thënë se qytetarët duhet të kërkojnë punë nga partia që drejton me institucionet e vendit.

“Unë s’dua atë përfshihem në politikën e brendshme dhe s’di si do të zhvillohen zgjedhjet e ardhshme, por qytetarët duhet t’i thonë partisë dominuese dhe liderit të saj se është koha të veproni, të bëni diçka”, ka shtuar ai.