Isa Mustafa: Dr. Alushi më qëndroi afër në momentet më të rënda të jetës sime

Isa Mustafa e ka kujtuar me emocione ndarjen e papritur nga jetë të Alush Gashit.

Mustafa ka thënë se ai i qëndroi afër në momentet më të rënda të jetës.

“E përjetova rëndë dhe më tronditi thellë lajmi për ndarjen nga jeta të mikut, bashkëpunëtorit dhe veprimtarit të shquar kombëtar, Profesor Dr. Alush Gashi.
Dr. Alushi më qëndroi afër në momentet më të rënda të jetës sime. Veçohej me përkushtim të lartë profesioal e njerëzor, dallohej me thellësinë intelektuale, ishte i pandalur në kontributin e çmuar në shërbim të shtetit dhe kombit. Mburrem që pata fatin ta njoh dhe të bashkëpunoj me të. I shpreh ngushëllimet më të sinqerta dhe ndaj dhimbjen me familjen e tij” shkruan Mustafa në ngushëllim./