Nisin seancat ndaj Thaçit dhe të tjerëve për pengim të administrimit të drejtësisë

Gjatë kësaj jave në Dhomat e Specializuara të Kosovës në Hagë do të mbahen seancat gjyqësore në rastin ndaj ish-presidentit Hashim Thaçi dhe të tjerëve, të cilët akuzohen për vepra kundër administrimit të drejtësisë.

Sipas kalendarit zyrtar të Dhomave të Specializuara, seancat janë planifikuar të zhvillohen nga 11 deri më 15 maj 2026.

Përveç Hashim Thaçit, në këtë rast të akuzuar janë edhe Bashkim Smakaj, Fadil Fazliu, Isni Kilaj dhe Hajredin Kuçi.

Të akuzuarit ishin deklaruar të pafajshëm gjatë paraqitjes së tyre fillestare më 27 shkurt 2026, duke mohuar të gjitha akuzat që rëndojnë ndaj tyre.

Procesi gjyqësor pritet të vazhdojë me paraqitjen e provave dhe dëshmive nga palët në procedurë.