Haziri – VV’së: Le ta harrojnë se mentaliteti parti-shtet nuk mund të ndërtohet kurrë në Kosovë

Nënkryetari i LDK-së, Lutfi Haziri, ka fajësuar VV-në për dështimin e dy legjislaturave të fundit të Kuvendit të Kosovës.

Ai ka bërë me dije se një e tillë është bërë me qëllime politike.

Megjithatë, Haziri ka theksuar se mentaliteti parti-shtet nuk mund të ndërtohet kurrë në Kosovë.

“Dështim i qëllimshëm i dy legjislaturave të Kuvendit të Republikës për qëllime politike. Le ta harrojnë se mentaliteti parti-shtet nuk mund të ndërtohet kurrë, sepse Kosova meriton më mirë. Kosova kërkon shumë punë e respekt. Sot, më shumë se kurrë, duhet ta kthejmë dashurinë ndaj Republikës, duke qenë se na ka dhënë emër e identitet. Jemi në muajt e nderimit e respektit për martirët, dëshmorët dhe heronjtë dhe obligohemi që të gjunjëzohemi para tyre, me falënderim e mirënjohje. Politika kërkon pak, shumë pak sakrificë personale për qëllime madhore. Republika mbi të gjithë. LDK, besë e shpresë për Kosovën!”, ka shkruar në profilin e tij në Facebook.