Komuniteti egjiptian ofron kandidat konsensual për president të Kosovës

Komuniteti egjiptian në Kosovë ka shprehur gatishmërinë për të propozuar një kandidat konsensual për president të vendit, nëse partitë politike nuk arrijnë marrëveshje.

Deputeti i Partisë Liberale Egjiptiane, Veton Berisha, gjatë seancës plenare në Kuvend ka kritikuar mungesën e një zgjidhjeje politike për situatën aktuale, duke theksuar se është e papranueshme që vendi nuk po arrin konsensus për postin e kreut të shtetit.

Ai ka deklaruar se komuniteti egjiptian është i gatshëm të ofrojë një figurë konsensuale, në rast se vazhdon bllokada politike. Afati për zgjedhjen e presidentit është 28 prilli.