11 kosovarë evakuohen nga Dubai, mbërrijnë në Aeroportin e Shkupit

Grupi i dytë i qytetarëve të evakuuar nga Emiratet e Bashkuara Arabe ka mbërritur pasditen e sotme në Aeroportin Ndërkombëtar të Shkupit.

Sipas autoriteteve të Maqedonisë së Veriut, ata janë nisur në mënyrë të sigurt nga Dubai dhe kanë lënë territorin e Emirateve të Bashkuara Arabe.

Autoritetet bëjnë të ditur se bëhet fjalë për gjithsej 150 pasagjerë, nga të cilët 11 janë shtetas të Kosovës.

Nga ky numër, 7 janë shtetas të Serbisë, 2 shtetas të Bosnjës dhe Hercegovinës, 2 shtetas të Shqipërisë, 1 shtetas i Gjermanisë, 1 shtetas i Armenisë dhe 1 shtetas i Malit të Zi, vijon njoftimi.

“Bazuar në një plan të përcaktuar më parë dhe në koordinim me institucionet kompetente, fluturimi u organizua nga Ministria e Punëve të Jashtme dhe Tregtisë së Jashtme, dhe kostot për zbatimin e tij u mbuluan plotësisht nga shteti”, thuhet tutje në njoftim.