Pesëshja më e dëmtuar e PDK-së nga rinumërimi i votave

Pesë kandidatë për deputet nga Partia Demokratike e Kosovës rezultojnë të kenë qenë më të dëmtuarit nga procesi i numërimit të votave, pas parregullsive të evidentuara gjatë këtij procesi.

Sipas të dhënave pas rinumërimit, Arian Tahiri, Përparim Gruda, Uran Ismaili, Bekim Haxhiu dhe Abelard Tahiri janë kandidatët të cilëve u janë hequr më së shumti vota padrejtësisht.

Bëhet e ditur se atyre u janë vjedhur rreth 3 mijë vota gjithsej, transmeton IndeksOnline.

Më i dëmtuari nga ky proces rezulton të jetë Arian Tahiri, të cilit i mungonin 780 vota.

Lidhur me këto parregullsi, prokuroria e shtetit ka nisur hetime për manipulimet e dyshuara në disa komuna, ndërsa si komuna me më së shumti raste të evidentuara përmendet Prizreni.

Ndërkohë, Komisioni Qendror i Zgjedhjeve ka shpallur rezultatet përfundimtare të zgjedhjeve. Pas përmbylljes së procesit të ankesave në PZAP dhe në Gjykatën Supreme të Kosovës, pritet edhe certifikimi zyrtar i rezultateve