Lajme

Spitali i Gjilanit për herë të parë ofron shërbime të reja shëndetësore

Posted on by Botapress.info

Për herë të parë në Qendrën e Mjekësisë Familjare në Gjilan po ofrohen disa shërbime të reja shëndetësore, respektikisht mamografia, PAP testi dhe ultrazeri i gjirit.

Drejtoresha e Drejtorisë së Shëndetësisë, Doruntina Hasani, tha se këto shërbime janë vetëm një hap drejt transformimit rrënjësor të shërbimeve mjekësore.

“Këto shërbime shumë të rëndësishme janë vetëm një hap drejt transformimit rrënjësor të shërbimeve mjekësore”, tha ajo.

Hasani njofton se i kanë i kanë funksionalizuar edhe ultrazërin e gjirit në QKMF dhe rentgenin e dhëmbëve në QMF nê lagjen Arbëria.

Rëndësia e kësaj është se këto shërbime sipas drejtoreshës ofrohen pa pagesë dhe se për gjashtë muaj mamografinë e kanë bërë 475 qytetarë.

Ndërsa, për gjysmë viti PAP Testin e kanë bërë 291 qytetarë.