Inspektorati Policor i Kosovës ka arrestuar sot një zyrtar policor nën dyshimin për veprën penale “Marrje ryshfeti”, si dhe një qytetar të dyshuar për “Dhënie ryshfeti”, ka bërë të ditur IPK-ja.
Sipas njoftimit, rasti ka ndodhur në Stacionin e Policisë Kufitare në Vërmicë, ku dyshohet se zyrtari policor, gjatë ushtrimit të detyrës zyrtare, për përfitim financiar i ka mundësuar një qytetari të Republikës së Serbisë hyrjen në territorin e Republikës së Kosovës, ndonëse ai kishte ndalim paraprak për hyrje.
Pas pranimit të informatave fillestare, hetuesit e IPK-së kanë nisur hetimet me autorizim dhe në koordinim me Prokurorinë Themelore në Prizren. Pas veprimeve hetimore dhe operative në terren, është arrestuar zyrtari policor, ndërsa prokurori kompetent ka caktuar masën e ndalimit prej 48 orësh.
Po ashtu, lidhur me këtë rast është arrestuar edhe qytetari (shtetas i Republikës së Serbisë), ndaj të cilit është iniciuar rast penal për “Dhënie ryshfeti”, me masë ndalimi prej 48 orësh
Të tjera
Lajme
Këto vende do të mbesin pa rrymë nesër e pasnesër
Njoftimet nga KEDS për punimet në
Lajme
Kica i reagon Kurtit për “diellin dhe shiun”: Moti e kam kuptu qe ky zgjidhjet i pret nga qielli
Nënkryetarja e Lidhjes Demokratike të Kosovës,
Aktuale
Gola në Këshill të Evropës: Banjska është e vërteta e pakëndshme me të cilën Serbia do të përballet herdokur
Ish-Nënkryetari i Kuvendit të Kosovës, Ardian