Ambasadori i Serbisë në SHBA, Marko Gjuriq dhe ish-nënkryetari i Listës Serbe, Milan Radoiçiq, janë takuar në një restorant, siç shihet në foton që është shpërndarë nga mediat dhe përdoruesit e atij rrjeti nga Kosova në Mbrëmjen e së shtunës në rrjetin social “X”.
Në foto Gjuriq dhe Radoiçiq shihen të ulur vetëm në një tavolinë në një restorant, ndërsa përdoruesit e rrjetit social “X” kanë deklaruar se është krijuar në Serbi.
Mirëpo, nuk dihet se kur ka ndodhur takimi i ambasadorit serb në SHBA dhe Radoiçiqit, i cili është nën sanksionet amerikane për korrupsion.
Ata që kanë shpërndarë këtë foto pohojnë se ajo tregon se Marko Gjuriq do të jetë pjesë i qeverisë së re serbe.
Ambasadori i Shteteve të Bashkuara të Amerikës në Kosovë, Jeffrey Hovenier në një deklarim për KALLXO.com ka thënë, se Millan Radoiçiqi “është një kriminel” që duhet të mbajë përgjegjësi lidhur me sulmin terrorist në Banjskë të Zveçanit, më 24.09.2023.
Kjo deklaratë e Hovenier vjen pas raportimeve se ish-nënkryetari i Listës Serbe, Millan Radoiçiq është takuar me ambasadorin e Serbisë në SHBA, Marko Gjuriq.
Hovenier ka thënë se SHBA-të kanë qëndrim të qartë për Millan Radoiçiqin, i kërkuar nga INTERPOL-i lidhur me këtë sulm.
Hovenier tha , se është në dijeni të raportimeve të mediave për siç thotë ai “takimin e supozuar.”
“Ne kemi një pikëpamje të qartë për zotin Radoiçiq. Ai ka marrë përgjegjësinë për sulmin në Banjska përmes avokatëve të tij. Ai është një kriminel që duhet të mbajë përgjegjësi”- thuhet në përgjigjen e ambasadorit Hovenier.
“Qëndrimi i Shteteve të Bashkuara për zotin Radoiçiq është i njohur. Radoiçiq është nën sanksionet e qeverisë amerikane për përfshirje në korrupsion dhe krim të organizuar transnacional.
Siç kanë thënë zyrtarë të lartë të qeverisë amerikane: Serbia duhet të mbajë përgjegjës të përfshirët në sulmin e kryer nga paraushtarakët etnikë serbë në Banjska që rezultoi në vdekjen tragjike të një rreshteri të Policisë së Kosovës”- ka thënë ai.
Kjo deklaratë e Hovnier vjen pas raportimeve se ambasadori i Serbisë në SHBA, Marko Gjuriq është takuar me ish-nënkryetarin e Listës Serbe, Millan Radoiçiq, i cili kërkohet nga INTERPOL-i.
Hovenier i tha KALLXO.com, se është në dijeni të raportimeve të mediave për siç thotë ai “takimin e supozuar.”
Presidenti i Serbisë, Aleksandar Vuçiq, ka qenë pikërisht një muaj më parë në Nju Jork, nga ku ka dërguar mesazh se Gjuriq po kthehet në Serbi dhe se beson se do të ketë “një nga postet më të rëndësishme në vend”.
Profesor në Universitetin e Grazit dhe njohës i Ballkanit, Florian Biber, ka shkruar në rrjetin “X” se Gjuriq shihet si kryeministër i ri, duke reaguar ndaj lajmit se Ana Brnabiqit iu dha një post i ri – pozita e kryetar i Kuvendit Popullor të Serbisë.
Një urdhër i Interpolit është lëshuar për Radoiçiqin në Kosovë për organizimin e një sulmi të armatosur në qytetin e Banjskës në Kosovë në shtator të vitit 2023. Atëherë u vra një polic i Kosovës, si dhe tre serbë nga grupi i Radoiçiqit.
Në Beograd, ai mori publikisht përgjegjësinë për atë ngjarje dhe kaloi një ditë në paraburgim me akuzën për armëmbajtje pa leje.
Vendi ku ndodhet Radoiçiq që atëherë nuk dihet, ndërsa së fundi në rrjetet sociale është shfaqur një video me fishekzjarrë me rastin e ditëlindjes së tij, e cila është organizuar në Kopaonik.
Presidenti serb Aleksandar Vuçiq, është deklaruar për fotografinë ku shihet ambasadori serb në Amerikë, Marko Gjuriq dhe organizatori i sulmit terrorist në Banjskë, Milan Radoiçiq.
Ai ka thënë se nuk e ka pyetur ende Gjuriqin se kur është bërë ajo fotografi.
“S’e kam pyetur atë se kur, ku dhe pse. Nuk e kam pyetur diçka, qoftë edhe nëse ai ka shkuar në tavolinë për ta takuar Radoiçiqin për t’u ulur për një minutë apo dy, apo aty ka shkuar bashkë të”, ka thënë Vuçiq, raporton Nova.
Më tej ai ka shprehur kritikë për njerëzit që respektojnë ata [Nikola Sanduloviqin] që shkojnë te varri i Adem Jasharit.
“Tash ata po e sulmojnë Markon. Jam duke i shikuar të gjithë sinjalizuesit dhe spiunët, se si po shkojnë për të raportuar te dikush diçka. Imagjinojeni ai e paska takuar ‘djallin’. Dhe, lavdëroni ata që shkojnë te varri i Adem Jasharit, i cili vrau ushtarë dhe policë të ligjshëm serbë. Dhe pastaj shkruani se si BIA paralizoi një kriminel. Gjithçka është kthyer përmbys në këtë vend”, ka thënë ai.
Takimin me terroristin Milan Radoiçiq në një restorant, Marko Gjuriq e ka quajtur “fushatë negative” kundër tij e Serbisë. Gjuriq, për takimin me terroristin thotë se “nuk e ka ndërmend t’i kërkojë falje” kryeministrit të Republikës së Kosovës Albin Kurti e as ministrit Sveçla.
“Do të isha i zhgënjyer nëse nuk do të niste një fushatë negative me rastin e rikthimit tim të fundit. Edhe nëse është goxha e varfër. Nuk kam ndërmend t’i kërkoj falje Kurtit dhe Sveçlës apo boteve të tyre dhe njerëzve të tjerë keqdashës për asgjë”, shkruan Gjuriq.
I njëjti pohon se nuk ndihet i turpëruar që ka takuar terroristin Radoiçiq.
“Nuk i kam fshehur dhe as nuk kam turp asnjëherë nga kontaktet publike që kam në punën që bëj. Përveç përfaqësuesve të ndryshëm serbë me të cilët kam kontakte të rregullta dhe me të cilët dëshiroj të takohem edhe sot, jam takuar shumë herë, gjithashtu në kuadër të punës sime, me udhëheqës të shumtë shqiptarë”, vijon ai.
Ai tenton të largojë vëmendjen nga takimi i tij, duke thënë se takime ka pasur edhe me Kurtin e Sveçlën, dhe si rëndom akuzon krerët e shtetit të Kosovës se “shkelin të drejtat e serbëve”.
Ai paralajmëron rikthim në politikë, siç po flitet në krye të qeverisë serbe.
“Kam kohë që jam larguar nga politika ditore, ndaj më duket paksa i habitshëm pasioni me të cilin disa në hapësirën publike bëjnë fushatë kundër vendit të tyre, duke menduar se me këtë do të arrijnë përfitime politike. Megjithatë, në të ardhmen e afërt i presin zhgënjime të reja të mëdha. Do të kthehem së shpejti dhe mezi pres t’i përballoj të gjithë së bashku”.
Rada Trajkoviq, këshilltare e ministrit për Komunitete dhe Kthim, Nenad Rashiq, i ka reaguar ambasadorit të Serbisë në Shtetet e Bashkuara të Amerikës, Marko Gjuriq.
Kjo pasi u publikua një fotografi ku Gjuriq ishte në takim privat me Milan Radojçiq, kreu i grupit terrorist që sulmoi Policinë e Kosovës më 24 shtator ku mbeti i vrarë një polic.
Gjuriq ka akuzuar autoritetet e Kosovës për këtë, por Trajkokoviq i ka thënë se “kjo fotografi mund të lëshuar në qarkullim nga rrethi i tij i ngushtë”.
Kjo me qëllim që ta diskreditojnë në kohën kur po raportohet se Gjuriq do të jetë kryeministri i ardhshëm i Serbisë.
“Marko, pa asnjë qëllim të keq dhe pa diskutim, i cili është i gëzuar për këtë foto, por vetëm dikush nga mjedisi juaj mund ta bënte dhe ta kishte nxjerrë në publik. Është e qartë se ju po shqetësoni dikë dhe se ai po përpiqet t’ju diskreditojë”, ka shkruar Trajkoviq në platformën “X”, të dielën.