Muhaxheri: Lista Serbe është oksigjen për LVV-në

Analisti Artan Muhaxheri tha se LVV dhe Lista Serbe e mbështesin njëra-tjetrën.

“Lista Serbe është oksigjen për LVV-në, pa Listën Serbe LVV-ja do të bjerë jashtëzakonisht shumë në zgjedhje”, tha Muhaxheri.

Muhaxheri në RTV21 tha se Albin Kurti do të bëjë gjithçka për t’i fituar zgjedhjet, por sipas tij nuk do ta arrijë një gjë të tillë.

“Nuk do lë gur pa lëvizur, por nuk do t’i fitojë, është komplet e pamundur. Do ta shohim edhe gjuhën; unë po them që ajo gjuha hajvan do të harrohet, do të dalin terma më të ashpër, sepse sa më shumë që e kupton se është larg 50%, ai do të egërsohet. E duke u egërsuar më shumë, nuk ka kontroll çka flet”, u shpreh Muhaxheri.