Bota

Ushtria izraelite njofton se ka vrarë kreun e prodhimit dhe financimit me armë të Xhihadit Islamik

Posted on by Botapress.info

Izraeli duket se po vazhdon të shënjestrojë udhëheqjen e grupeve armike, duke njoftuar së fundmi se ka vrarë edhe kreun e prodhimit dhe financimit me armë të Xhihadit Islamik Palestinez (PIJ).

“Trupat e IDF eliminuan rreth 30 terroristë në zonën e Rafah”, thuhet në një deklaratë.

Ushtria izraelite ka identifikuar shefin e armëve si Mohammed al Jabari, shkruan skynews.

“Al Jabari ishte përgjegjës për financimin e infrastrukturës së prodhimit të armëve për Xhihadin Islamik në Gazën veriore, shpërndarjen e pagave dhe ishte pjesë e përpjekjeve për të rivendosur aftësitë dhe infrastrukturën e prodhimit të raketave të Xhihadit Islamik”, vazhdon deklarata.

Ndryshe, IDF ka vënë në shënjestër liderët e Hamasit, Hezbollahut dhe PIJ në Gazë që nga shpërthimi i luftës në Gazë.

Bëhet e ditur se së fundmi Hamasi ka konfirmuar vrasjen e liderit politik të grupit, Ismail Haniyeh.

Në një deklaratë, grupi militant tha se ai u vra në “një sulm të pabesë sionist në rezidencën e tij në Teheran”.