Aksident në magjistralen Pejë-Mitrovicë, 12 nxënës lënduar

Një aksident mes dy automjeteve ka ndodhur sot në magjistralen Pejë-Mitrovicë, saktësisht në fshatin Gurrakoc, ku janë lënduar 14 persona.

Lajmin e ka konfirmuar zëdhënësi i Policisë për Rajonin e Pejës, Fadil Gashi.Sipas Gashit, në këtë aksident kanë qenë të përfshira një veturë dhe një kombi-bus me nxënës.

LEXO EDHE KETE

Erdhi dimri, nga kjo ditë Kosova përfshihet nga moti i ftohtë dhe bora

“Sot rreth orës 13:07 Policia është njoftuar për një aksident në magjistralen Pejë – Mitrovicë konkretisht në fshatin Gurrakoc. Më të marrë lajmin policia menjëherë ka dalë në vendin e ngjarjes dhe ka kuptuar se në aksident kanë qenë të përfshira dy vetura, një veturë dhe një kombi-bus me nxënës. Nga ky aksident janë lënduar 14 persona prej tyre 12 nxënës dhe dy shoferët e automjeteve”, ka thënë Gashi.

Sipas Gashit, të lënduarit kanë pranuar tretmanin mjekësor, ku të gjithë më pas janë liruar, përveç një nxënësi i cili po vazhdon të trajtohet në spital.

“Pas kontrolleve dhe tretmanit mjekësor që ju është bërë personave të lënduar sipas mjekut kujdestar të gjithë personat e përfshirë në aksident janë liruar, përveç një nxënësi i cili po vazhdon të trajtohet në këtë spital”, shtoi ai./Botapress.info/