Dalin pamjet nga aksidenti fatal afër Drenasit, zjarrfikësi i futur në ujë duke kërkuar trupa nga vetura e rrokullisur

Një aksident i rëndë trafiku ka ndodhur mbrëmë në fshatin Zabel i Ulët të Drenasit, ku një grua ka humbur jetën, ndërsa katër persona të tjerë kanë pësuar lëndime trupore.

Sipas raportit të Policisë së Kosovës, rasti ka ndodhur më 20.11.2025, rreth orës 22:40, kur drejtuesi i një veture, dyshohet se për shkak të mospërshtatjes së shpejtësisë me kushtet e rrugës, ka humbur kontrollin mbi automjetin, duke dalë jashtë rruge dhe përfunduar në një kanal.

Si pasojë e aksidentit, drejtuesi dhe katër pasagjerë të tjerë – tre femra dhe një mashkull – kanë marrë lëndime trupore dhe janë dërguar në QKUK për trajtim mjekësor. Fatkeqësisht, njëra nga pasagjeret nuk ka arritur t’u mbijetojë lëndimeve dhe ka ndërruar jetë.

Me vendim të prokurorit, trupi i pajetë është dërguar në Institutin e Mjekësisë Ligjore për obduksion, ndërsa rasti po hetohet për zbardhjen e plotë të shkaqeve të aksidentit.