11 mijë e 554 euro është totali i shpenzimeve për shtatë muajt e këtij viti nga ministrja e Arsimit, Arbërie Nagvaci së bashku me kabinetin e saj.
Nga kjo shumë 5 mijë euro u shpenzuan vetëm për ushqim dhe mëditje nga ministrja dhe kabineti i saj.
Bazuar në të dhënat që ka siguruar Telegrafi përmes qasjes në dokumentet publike, vet ministrja Nagavci nga janari deri në korrik harxhoi 1,952.94 euro për ushqim dhe mëditje.
Vala e re e bastisjeve në Kosovë, çka po paralajmëron Specialja?
Pas ushqimit dhe mëditjeve, para të shumta u shpenzuan edhe për akomodim.
Për shtatë muaj ministrja dhe stafi i saj shpenzuan 4 mijë e 389 euro.
Nagvaci e vetme ka shpenzuar 1 mijë e 803 euro për akomodim, shkruan Telegrafi.
Nga stafi i saj asnjë cent për akomodim nuk e shpenzuan Arbnor Podvorica (shofer i ministres), Geta Guci (asistente e ministres), Laura Lutfiu-Hoxha (këshilltare), Njazi Beluli (shofer i ministres) dhe Valdrin Derivshaj (këshilltar).
Sa i përket shpenzimeve në telefon, ministrja së bashku me 12 personat e tjerë që janë pjesë e kabinetit të saj shpenzuan në total 2 mijë e 096 euro.
Pas Nagavcit që harxhoi 406 euro në telefon, më së shumti nga kabineti i saj kanë harxhuar këshilltarët e saj, Edona Kutleshi-Maliqaj, Elvis Karadolami, Fatos Osmani dhe Valdrin Dervishaj.
Të katërt kanë harxhuar nga 210 euro për telefon për shtatë muaj.