Përfaqësuesi i Republikës se Kosovës për Marrëdhëniet me NATO-n, Ambasadori Astrit Zemaj ka takuar Ndihmës Sekretarin e Përgjithshëm të NATO-s për operacione, Thomas Goffus, dhe delegacionin përcjellës nga NATO dhe KFOR-i për të diskutuar situatën e sigurisë, shkruan Botapress.info
Zemaj ka shprehur falënderimin e tij ndaj Goffus për vizitën e tij dhe ka theksuar rëndësinë e pranisë së NATO-s në sigurimin e paqes dhe stabilitetit në Kosovë.
Ambasadori Zemaj gjithashtu ka vlerësuar përkushtimin e thellë të Kosovës për partneritetin me NATO-n dhe kontributin e saj në sigurinë rajonale dhe globale.
“Një takim i rëndësishëm sot me Ndihmës Sekretarin e Përgjithshëm të NATO-s për Operacione, z. Thomas Goffus.
I jemi mirënjohës #NATO-s dhe Misioneve të saja në Republikën e Kosovës, NALT(NATO Advisory Liaison Team) dhe KFOR-it, për mbështetjen e vazhdueshme për vendin tonë si dhe për përkushtimin e fortë në promovimin e stabilitetit dhe sigurisë në rajonin tonë”, ka deklaruar Zemaj./Botapress.info/
