Mbetjet mortore në Veri u gjetën në një batanije nga një familje që po gërmonte varrin e një familjari

Policia ka dhënë detaje për gjetjen e mbetjeve mortore në Mitrovicë të Veriut.

Ato dyshohet se u gjetën pasi një familje gjatë gërmimit të një varri për një familjar të tyre kanë hasur në një batanije me mbetje eshtërore.

Ato dyshohet se janë nga lufta e fundit në Kosovë.

“PERSON I ZHDUKUR- Mitrovicë Veri / 1998-1999. Njësitet policore të DHKL-së në koordinim me IML-në dhe Komisionin Qeveritar për Persona të Zhdukur pas pranimit të informatës lidhur me rastin, kanë dalë në vendin e ngjarjes, ku një familje gjatë hapjes-gërmimit të një varri për një familjar të tyre, ka hasur në një batanije me mbetje eshtërore të cilat dyshohet se janë të luftës së fundit në Kosovë. Mbetjet eshtërore janë tërhequr nga IML-ja për ekzaminime të mëtejshme. Lidhur me rastin është informuar edhe prokurori.”