Deputetja e VV-së: Qeveria Kurti 3 është e mundur, por opozita është xheloze

Deputetja e Lëvizjes Vetëvendosje, Arjeta Fejza, ka deklaruar se krijimi i Qeverisë “Kurti 3” është plotësisht i mundur, duke theksuar se subjektet ish-opozitare po veprojnë më shumë nga motive xhelozie.

Fejza në emisionin Politiko, Fejza tha se ngjarjet e fundit në Kuvendin e Republikës së Kosovës kanë treguar qartë se opozita nuk ka ndonjë alternativë të përbashkët, përveç kundërshtimit ndaj qeverisë aktuale.

“Qeveria Kurti 3 sigurisht se është mision i mundur. Tani, nëse e shohim se çka ka ndodhur në Kuvendin e Republikës së Kosovës, mendoj se ka qenë e qartë se në këtë legjislaturë kemi pasur një opozitë të bashkuar rreth inatit dhe xhelozisë politike,” deklaroi Fejza.