Deputeti i VV-së, Dimal Basha, po ashtu ka reaguar pas lirimit të tre policëve të rrëmbyer nga forcat serbe por duke pasur qasje kritike ndaj bashkësisë ndërkombëtare.
Basha, në frymë me fjalët e kryeministrit Albin Kurti, është shprehur “tejet i gëzuar” me lirimin e policëve dhe fillimisht ka falenderuar bashkësinë ndërkombëtare që ndihmoi në presion ndaj Serbisë.
Por, Basha nuk ndalet me kaq.
Kreu i Grupit të Miqësisë me ShBA-në i tha edhe këto fjalë:
“Mendone rastin ku policia siguron lirimin e pengjeve, dhe pyetja e parë që njerëzit kanë është, “a u arrestua pengmarrësi!”
Sipas z. Basha, nëse bashkësia ndërkombëtare do të ishte polic fer, atëherë Serbia do të duhej të paguante për veprimet e saj.
