Nëndetësja e zhdukur në Atlantik nuk është menduar për një qëndrim të gjatë – nuk ka karrige, kështu që pasagjerët ulen në dysheme dhe atyre u këshillohet të mos hanë para udhëtimit, në mënyrë që të mos kenë nevojë të përdorin tualetin, i cili është i ndarë vetëm nga një perde.
Nëndetësja e zhdukur “Titan” është një lundruese e vogël e projektuar për të akomoduar vetëm pesë persona për një ditë – një udhëtim dy-orësh nën det, disa orë eksplorim të Titanikut dhe dy orë kthim në sipërfaqe, transmeton Botapress.info
Dëgjohen zhurma nënujore gjatë kërkimit për nëndetësen e zhdukur
Vitin e kaluar, themeluesi i operatorit turistik OceanGate Expeditions, i tregoi ekipit të CBS brendësinë e nëndetëses së përdorur për të vizituar rrënojat e Titanikut.
Autori i The Simpsons që kishte vizituar rrënojat e Titanikut me nëndetësen e zhdukur, thotë se në faqen e parë të marrëveshjes përmendet tri herë vdekja
Autori i The Simpsons që kishte vizituar rrënojat e Titanikut me nëndetësen e zhdukur, thotë se në faqen e parë të marrëveshjes përmendet tri herë vdekja
Videoja tregon një dhomë të vogël, me një hapësirë sa një furgon. Nuk ka karrige apo ndenjëse, dhe pasagjerët ulen këmbëkryq në dysheme, prandaj duhet të heqin këpucët para se të hyjnë.
Për një nëndetëse kaq të avancuar, pjesa e brendshme është mjaft e zhveshur dhe e thjeshtë me vetëm një çelës kontrolli. Pjesa tjetër e operacioneve të anijes kryhen në një kontrollues dore që duket jashtëzakonisht i ngjashëm me një konzolë lojërash.
Ka vetëm një tualet të vogël në pjesën e përparme të anijes, e cila është gjithashtu ndenjësja më e mirë në nëndetëse, thotë faqja e internetit OceanGate tashmë e mbyllur.
Thuhet se ata vendosën një perde për privatësi dhe rritin volumin e zërit të muzikës gjatë përdorimit të tualetit. Rekomandohet që udhëtarët të kufizojnë dietën e tyre para dhe gjatë zhytjes për të reduktuar gjasat për të përdorur tualetin. /Botapress.info/
