Muhaxheri i LDK’së: S’ka bisedime me VV’në për formimin e Qeverisë

Anëtari i kryesisë së LDK-së, Gazmend Muhaxheri, mohon zërat se ka negociata të fshehura me LVV-në për koalicion për formimin e Qeverisë së re.

Sipas tij, nuk ka asnjë lloj bisedimet me LVV-në për këtë çështje.

Në një përgjigje për rtv21 Muhaxheri thotë se LDK-ja e kishte dhënë opsionin e saj për Qeveri tranzitore unifikuese, por kjo ide nuk ishte përkrahur nga Kurti.

‘’Jo, jo, nuk ka, e as nuk ka me pas negociata me LVV-në. Nuk ka preferenca për koalicion. Ne e kemi dhënë opsionin tonë për Qeveri tranzicioni, Kurti nuk ka dashur, tash është vonë”, tha ai.