Kreu i AAK-së, Ramush Haradinaj, që muajve të fundit është parë i afërt politikisht me Kurtin, sot ka kërkuar dorëheqjen e kryeministrit.
Shkak për këtë sipas tij është moskoordinimi me ndërkombëtarët. Madje, ai shkoi deri në atë pikë sa ta etiketojë si të vogël shefin e ekzekutivit, përcjell Botapress.info
“Shtetet investojnë me dekada për të krijuar miqësi dhe aleanca. Në rastin tonë, del një Albin Kurti e tenton t’i rrëzojë ato. Ka pasur edhe të tjerë në historinë tonë që kanë dashur t’i përmbysin këto aleanca, por Kosova ka qenë më e madhe se sa vogëlsia e tyre dhe ka triumfuar. Ajo nuk ka alternativë tjetër përpos të triumfojë edhe këtë herë”, shkroi ndër tjerash Haradinaj.
Më poshtë edhe postimi i plotë:
