Në internet u shfaq një video që tregon se si një grup vullnetarësh të mbrojtjes civile siriane, të njohur si Helmetat e Bardha, nxjerrin një familje nga rrënojat e një shtëpie që i mbijetoi mrekullisht tërmetit shkatërrues që goditi vendin, transmeton Demokracia.com.
Helmetat e Bardha njoftuan se operacioni i shpëtimit u zhvillua në fshatin Bisnia, afër Idlibit në veriperëndim të Sirisë.
“Kjo është një mrekulli e vërtetë. Tinguj gëzimi mbushën qiellin”, shkroi grupi në Twitter.
Videoja tregon se ata përdorin mjete për të hequr rrënojat dhe më pas nxjerrin një grup njerëzish, duke përfshirë fëmijë, përmes një hapjeje të vogël. /Botapress.info/
