Aktivisti i shoqërisë civile, Rron Gjinovci, është treguar i ashpër me Qeverinë Kurti, në lidhje me meshën e mbajtur sot në kishën ortodokse në oborrin e Universitetit të Prishtinës, shkruan Gazeta Botapress.
Peshkopi Teodosije i Dioçezës së Rashkës dhe Prizrenit ka mbajtur liturgji në Kishën e braktisur në oborrin e UP’së për herë të parë prej vitit 1998.
Lidhur me këtë ka reaguar, Rron Gjinovci, me anë të një shkrimi në Facebook, duke u treguar i ashpër dhe kritikues me Qeverinë e udhëhequr nga Albin Kurti.
“Për meshën e sotme në të ashtuquajturën kishë ortodokse në Prishtinë, nëse qeveria thotë s’e kena ditë, atëherë na s’kokëm t’sigurtë se ktyne para hunve po ju kalojkan keqbërësit, nëse e kanë ditë e i kanë lonë, atëherë le ta përgatisin lirisht ni shpjegim t’gjatë, i cili s’di çfarë justifikimi munët me përmbajtë”, ka shkruar Gjinovci.
Kujtojmë që në fund të vitit 1992 nisi ndërtimi i objektit të Kishës Ortodokse Serbe në oborrin e Universitetit të Prishtinës.
Nga ky institucion i lartë shkollor ishin dëbuar shqiptarët, sikurse edhe nga të gjitha institucionet tjera në Kosovë. Për këtë arsye serbët që mbanin pushtetin absolut nuk e patën të vështirë t`i marrin tokën universitetit për të ndërtuar kishën.
Madje në ceremoninë e gurthemelit merrte pjesë edhe krimineli nga luftërat e Ish-Jugosllavisë, Arkan.
Më poshtë shkrimi i plotë i Rron Gjinovcit. /Botapress/