Asociacioni i Komunave të Kosovës i ka dhënë afat qeverisë që të ekzekutojë pagat për punëtorët që janë në grevë deri më 5 tetor.
Qeveria e Kosovës nuk i ka ekzekutuar ende pagesat për punëtorët komunalë dhe mësimdhënësit të cilët janë në grevë.Ndërsa, në mbledhjen e mbajtur të qeverisë, ministri i Financave, Punës dhe Transfereve, Hekuran Murati, tha se pagat e muajit shtator janë ekzekutuar për të gjithë ata që kanë punuar me orar të plotë.
Babai i 19 vjeçares së zhdukur në Pejë tregon për vendndodhjen e fundit të dy vajzave
“Mbështetje prej 50 eurove për të gjithë punonjësit e sektorit publik që kanë punuar me orar të plotë gjatë muajit dhe që marrin pagën bazë deri në një mijë euro dhe që kualifikohen për përfitim nga muaji shtator e deri në fund të vitit. Meqenëse vendimi po merret tani dhe pagat janë procesuar, shtesat e muajit shtator do të aplikohet bashkë me shtesën e muajit tetor”, u shpreh ai.
Ndërkohë, kryetari i Asociacionit të Komunave të Kosovës, Sazan Ibrahimi tha se ata do të presin ekzekutimin e pagave deri më 5 tetor, ndërsa bëri të ditur se nuk ka marrë ndonjë informacion nga komunat për ekzekutimin ose jot ë pagave të shtatorit.
“Nuk kemi ende informacion, Qeveria afatin e ka deri më 5 tetor që të i ekzekutojë pagat e shtatorit. Do të shohim javën e ardhshme pasi që tashmë është vikend”, është shprehur Ibrahimi./Botapress.info./
