Të paktën tre persona humbën jetën pasi dy avionë u përplasën në ajër të shtunën në Boulder County, Kolorado, thonë zyrtarët.
Një Cessna 172 me një motor dhe një avion tjetër “u përplasën dhe u rrëzuan” pranë aeroportit Vance Brand në Longmon pak para orës 9 të mëngjesit, njoftoi Administrata Federale e Aviacionit. Longmont ndodhet rreth gjysmë ore nga Boulder.
Në bordin e Cessna 172 ishin dy persona, sipas FAA. Numri i njerëzve në bordin e avionit të dytë, i identifikuar nga Bordi Kombëtar i Sigurisë së Transportit (NTSB) si Sonex Xenos, nuk është konfirmuar për momentin, tha FAA.
Të dy pasagjerët në Cessna 172 vdiqën në vendngjarje, tha Zyra e Sherifit të Qarkut Boulder. Në avionin tjetër ishte një pasagjer i konfirmuar, i cili gjithashtu u raportua i vdekur pas mbërritjes së reaguesve të parë, tha zyra e sherifit.
Europa goditet nga moti i ftohtë, temperatura nën zero gradë dhe reshje dëbore
Kur reaguesit e parë mbërritën në vendngjarje, ata zbuluan dy vende të veçanta përplasjeje, sipas Zyrës së Sherifit të Qarkut Boulder.
Avioni i parë u gjet në anën jugore të rrugës Niwot, ndërsa avioni i dytë u gjet në anën veriore.Autoritetet nuk kanë identifikuar ende tre personat që humbën jetën në aksident, tha policia./Botapress.info/
