Tenderi për njësinë A3 vazhdon – KEK: Projekti do të ecë me intensitet të plotë

Organi Shqyrtues i Prokurimit (OSHP) ka hedhur poshtë si të palejuar ankesën e një operatori ekonomik për tenderin për rehabilitimin dhe modernizimin e njësisë A3 në Korporatën Energjetike të Kosovës (KEK).

Ky vendim i ka hapur rrugë vazhdimit të projektit që ka një vlerë të paraparë prej 137 milionë eurosh.

Nga KEK kanë njoftuar se pas këtij vendimi, projekti do të vazhdojë me intensitet të plotë.

KEK-u më 4 korrik pati njoftuar se e ka pezulluar tenderi për rehabilitimin dhe modernizimin e njësisë A3.

“Për arsye se Autoriteti Kontraktues ka pranua një ankesë për tenderin e lartcekur, ju njoftojmë se Autoriteti Kontraktues e pezullon këtë aktivitet deri në njoftimin e ardhshëm”, thuhej në njoftimin e KEK-ut të publikuar në platformën e-Prokurimi.