Arrestimi i ish-policit nga Serbia, Sveçla: MPJ është duke u merr me rastin

Ministri në detyrë i Punëve të Brendshme dhe deputeti i Lëvizjes Vetëvendosje, Xhelal Sveçla, është deklaruar sot para vazhdimit të seancës konstituive të Kuvendit, lidhur me arrestimin e ish-policit të Njësisë Speciale të Kosovës nga autoritetet serbe.

I pyetur për këtë çështje, Sveçla tha se Ministria e Punëve të Jashtme është institucioni që është duke u marrë me rastin.

“Ministria e Punëve të Jashtme është në këtë angazhim”, tha shkurt ai.

“Ky qytetar i Republikës së Kosovës të lirohet sa më shpejt dhe kësi raste të mos ndodhin më”, u shpreh Sveçla

Ministri në detyrë gjithashtu sqaroi se personi i arrestuar nuk ka qenë pjesë e Policisë së Kosovës gjatë vitit 2023.