Trendafilova i “godet” veteranët e luftës: Protesta tregon se sa i vështirë do të ishte gjyqi në Kosovë

Kryetarja e Gjykatës Speciale, Ekaterina Trendafilova ka komentuar vizitën e fundit në Kosovë dhe protestën e veteranëve të luftës së UÇK-së.

Gjatë kësaj vizite të realizuar më 13 maj në Prishtinë, shkaku i protestës ajo e kishte anuluar konferencën për media.

Ajo, për median serbe Kosovo Online, që njihet se propagandon kundër ish-krerëve të UÇK-së, goditi veteranët e luftës, duke thënë se praktikisht ata janë shkaktarët se përse gjyqi ndodhet në Hagë.

“Protestat e organizuara nga veteranët e luftës në Kosovë treguan se sa e vështirë do të ishte të garantoheshin gjyqe të sigurta dhe të qëndrueshme, zhvillim i qetë dhe pa shqetësime i procedurave gjyqësore, nëse procedurat do të zhvilloheshin në Kosovë”.

“Po kështu, është jashtëzakonisht e rëndësishme të dihet se sa rëndësi i kushton Gjykata mbrojtjes së dëshmitarëve dhe viktimave”.