Kosovarja 65-vjeçe dhe dy shtetase të Shqipërisë kapen me 11 kg drogë në Zvicër

Policia kantonale e Cyrihut ka arrestuar tre persona në Embrach të premten dhe me atë rast ka sekuestruar rreth njëmbëdhjetë kilogramë heroinë dhe katër kilogramë materie për përpunimin e drogës.

Të premten pasdite, policët kantonalë kanë kontrolluar para një prone një kosovare 65-vjeçare me banim në Embrach, të dyshuar për tregti me lëndë narkotike, shkruan albinfo.ch.L

Gjatë kontrollit të mëvonshëm të shtëpisë, policia ka gjetur rreth njëmbëdhjetë kilogramë heroinë, katër kilogramë lëndë për përpunim të drogës dhe sasi të vogla kokaine dhe marihuanë, thuhet në një komunikatë të Policisë Kantonale, të publikuar në www.zh.ch (faqen zyrtare të Kantonit të Cyrihut).

Në momentin e ndërhyrjes së policisë, në banesë ka pasur edhe persona të tjerë, transmeton albinfo.ch. Një shtetase 27-vjeçare e Shqipërisë, e cila ndodhet ilegalisht në Zvicër dhe një 23-vjeçare tjetër, po ashtu shtetase shqiptare, por me banim në Embrach, janë arrestuar nën dyshimin se kanë shkelur ligjin për narkotikët.

Tri gratë e arrestuara u dërguan në zyrën e prokurorit publik Winterthur/Unterland, pasi policia kishte përpunuar rastin.

Kosovarja 65-vjeçe dhe dy shtetase të Shqipërisë kapen me 11 kg drogë në Zvicër

Të ngjashme

Publikohet fotografia e të vrarit në Skenderaj

Eksperti i sigurisë kibernetike del me analizë se çfarë ndodhi me faqen e KQZ-së

Ekskluzive: Emri i viktimës dhe i dorasit në Skënderaj, janë familjarë

Kurteshi njofton se ka filluar rinumërimi i të gjitha kutive të votimit

Lajmet e fundit